रेवडी
रेवडी सातारा जिल्ह्यातील कोरेगाव तालूक्यात समुद्रसपाटी पासून ७५० मीटर उंचीवर वसना नदीचे काठी आहे सातारा वाठार रस्त्यावर साताऱ्या पासुन १६ किमीअंतरावर असलेल्या तांबी या गावामधून रेवडी सुमारे ३ किमी अंतरावर आहे, येथील खंडोबा मंदिर सपाटीवर असून गाडीरस्ता मंदिरा पर्यंत जातो.
गाडी रस्त्याने आपण मंदिराचे कोटाचे दक्षिण बाजूस पोहोचतो, मंदिरास दगडी बांधकामात भव्य कोट यास दक्षिण व पुर्व बाजूस दोन प्रवेशद्वार आहेत मुख्यप्रवेशद्वार दक्षिणाभिमुख असून दक्षिण द्वाराचे समोर नंदी मंडप आहे.
मंदिराचे कोटात प्रवेश केल्यावर आपण नव्याने बांधलेल्या मंदिराचे मंडपात पोहोचतो, दक्षिणाभिमुख असलेल्या या मंदिराची जुनी रचना मंडप व गर्भगृह अशी आहे. मंडप दगडी खांबनवर आधारलेला आहे, मंदिराचा व मंदिरात शिलालेख आढळत नाहीत, गर्भगृह दक्षिणाभिमुख आहे. मंदिराचे गर्भगृहावर शिखर असून ते नवीन बांधकामातील आहे.
मंदिराचे गर्भगृहात छोट्या चौथऱ्यावर खंडोबा व म्हाळसा यांची स्वयंभू लिंग आहेत, यांचे मागील उंची वरील कोनाड्यात खंडोबा व म्हाळसा यांच्या अश्वारूढ दगडी प्रतिमा आहेत, रेवडी गावाजवळील परतवडी गावातील महिपती देसले पाली येथील खंडोबाचा निस्सीम भक्त होता, देव पालीवर त्याचे मागे परतवडी या त्याचे गावी निघाले होते, वसना नदी पार करताना त्याने वळून पाठी मागे पहिले त्यामुळे देवांनी येथेच लिंग रूपाने वास केला व पुढे काही भक्तांनी येथे मंदिर उभारले अशी दंतकथा येथील खंडोबाचे आगमना विषयी सांगितली जाते.
मंदिराचे पूर्व प्रवेशद्वाराचे समोर एका दगडी मंडपात हत्तीची दगडी प्रतिमा आहे. रेवडी येथे मार्गशीर्ष शुद्ध प्रतिपदा ते षष्टी या कालावधीत देवाचा उत्सव साजरा केला जातो.
————————————————————————
